Të postosh një foto në rrjetet sociale pa e edituar fare është ndoshta një nga gjërat më të rralla që mund të hasim. Duke nisur nga aplikacionet për rregullimin e ngjyrave e deri tek përdorimi i photoshopit për fytyrën dhe trupin, në mediat sociale është krijuar një realitet krejt tjetër. Dhe ditën e djeshme Rozana Radi ka dhënë një mesazh shumë të rëndësishëm.
Fillimisht, këngëtarja ka postuar një selfie duke e edituar në pastrimin e fytyrës por ka hasur në një koment nga dikush që e ka akuzuar për përdorim të FaceApp. Rozanës duket se komentuesja i ka ngritur nervat dhe e ka paralajmëruar te largohet vetë nga Instagrami i saj para se këngëtarja ta bllokojë. “Nuk i honeps dot llafazanet neper Instagram”, i shkruan ndër të tjera Rozana.
Kështu, ajo e ka ripostuar foton pa asnjë editim në Instagram, duke shkruar se po e riposton për vete dhe se nuk është e detyruar të japë shpjegime. Rozana nënvizon se “vdes për fytyrën e saj” sepse i ka ngjarë të atit që ka qenë për të më i miri në botë.
